《玩轉腦朋友》 林二汶、王菀之靚聲聲演

迪士尼·彼思5位「腦朋友」帶你玩轉超想像腦海繽紛世界大歷險

林二汶、王菀之靚聲創意演繹樂和愁

《玩轉腦朋友》

INSIDE OUT

迪士尼．彼思最新暑期動畫鉅製《玩轉腦朋友》，將會再度發揮非凡創意，帶領觀眾去到一個你有我有、非常熟悉，卻是前所未見、超越想像的繽紛世界——人類的腦海，展開一場刺激好玩大歷險！故事中，11 歲女孩韋莉的腦海總部有 5 位「腦朋友」——阿樂、阿愁、阿燥、阿憎和阿驚，主宰著韋莉的喜怒哀樂各種情緒、思想、行動和人生。廣東話配音版就特別邀來同樣具備創意兼以靚聲出名的兩位才女唱作人林二汶和王菀之，分別聲演「腦朋友」阿樂和阿愁，令角色更加生動有趣和倍加親切感！

林二汶全情投入化身阿樂    驚險場面嗌到喉嚨痛

王菀之俾人笑似足阿愁    配音發掘自己不同的可能性

林二汶聲演的阿樂是腦海總部的總指揮，她幾時都是心情愉快、樂觀積極和充滿正能量，二汶笑說這個角色與她的開心性格十分相似！這次配音，二汶最難忘是嗌到喉嚨痛，「故事講到阿樂和阿愁意外跌出總部，去到偏遠腦海世界，展開了一場驚險大歷險，我經常要出盡力『嘩！呀！』大叫，真係從未試過配音配到喉嚨痛！但嗌完都覺得好開心、好好玩！」

王菀之聲演的阿愁，總是成日都唔開心、好憂傷、好多埋怨，但其實心地善良，很希望自己可以樂觀起來。Ivana笑說為這角色試音時，在場的經理人和同事們一見到阿愁都狂笑大叫：「王菀之呀！」，「別人以為我是好開朗的人，點會似阿愁？！其實我雖然冇佢咁唔開心，但我都是動作好慢，成日都唔想郁，呢方面好似阿愁！」

二汶同Ivana都同樣喜歡配音工作，覺得用聲音來表達的工作，很有挑戰性及滿足感! 二汶表示深幸獲得配音導演從旁指導，對她有很大幫助。而事隔七年再度為動畫配音的Ivana則表示「雖然唱歌、演戲和配音比較，我依然最愛唱歌，但我有位戲劇老師曾經跟我說過，配音可以發掘自己不同聲音的可能性，從而發掘演繹不同角色的可能性，我都希望透過配音發掘自己的可能性！」

若電影中的韋莉腦海裡有個幻想朋友乒乓，二汶同Ivana笑說各自也有一個。二汶腦入面有個孖生姊妹，「會同我一齊傾偈、一齊笑笑喊喊，由細至大都有呢個幻想朋友，所以我從來都不覺得寂寞！」Ivana則有個做創作的朋友，「他沒有固定形態，會隨時變形，他沒有恐懼，充滿希望，是一個很精彩的人！他其實是一個真人！哈哈！」Ivana又提及她有一個自畫像「肥波兔」，也算是她的幻想朋友，「我的歌迷都熟悉『肥波兔』，他有齊5 個『腦朋友』的性格，有時好開心，有時又好嬲！」

                另外，還有蔣志光聲演阿驚、許紹雄聲演阿燥及楊詩敏(蝦頭) 聲演阿憎，陣容鼎盛！